Gure bihotzak
lurpeko errekastoen antzera
tantaz tanta erritmoren bat markatuz
negarraldi luze bat bezala
ez dakigu non
ez dakigu noiztik ezta noiz arte
Gure bihotzak
lurpeko harri gogorrak bezala
ilunpean sendo
gure bizitzei eta gureak ez direnei eusten
ez dakigu non
ez dakigu noiztik ezta noiz arte
Errekastoa harrian barna
harria errekastoan
ilunpetik argira
irtetzerakoan
taupada horiek
zer zapore duten
badakigu
norengatik dakigun
badakigu
bizitzaren gazi gozoaz
badakigu
barre egiten
badakigu
Hemen
betidanik
betirako.
iruzkinik ez:
Argitaratu iruzkina